Rradhet e emigranteve kane arritur deri ne fshatin e pare, ndersa pritja e tyre i ka kaluar 10 oret. Nderkohe si te mos mjaftojne oret e gjata te pritjes,

 

 emigranteve u duhet te durojne edhe te ftohtet, pasi rreshjet e debores vazhdojne ndersa temperaturat sa vijne e ulen. Aktualisht ne doganen greke per daljet nga Greqia per ne Shqiperi eshte duke punuar vetem nje sportel dhe ai punon me ritme mjaft te uleta. Pala greke nuk ka marre ende nje takim me palen shqiptare, ndersa kjo e fundit duket se eshte e painteresuar per te mesuar rreth fatit te qindra emigranteve qe presin ne radhe ne piken kufitare te Kapshtices. Gjate dites se sotme nuk ka pasur asnje lloj kontakti nga ana e pales shqiptare me palen greke, pasi sipas autoriteteve shqiptare te pikes se kalimit, pala greke ka shtuar ne sistemin e saj kompjuterik per daljet nga Greqia vemendje te vecante per kontrollin e dokumenteve te te gjithe shtetasve shqiptare qe dalin nga Greqia ne drejtim te shtetit te tyre, dhe sipas tyre kjo eshte arsyeja qe shkakton dhe vonesen. Por radha e makinave qe arrin ne gati 3 kilometra  do te thote se qindra emigrante do te gdhihen sonte ne doganen e Kapshtices ne temperaturat e tejet te uleta.