Mbyll

Miresevini ne KorcaJone.net

Kjo faqe eshte ndertuar per ti dhene nje identitet te ri qytetit te Korces, per ta sjelle qytetin dhe vlerat e tij, traditen, historine me prane jush . Per te percjelle te rejat qe shoqerojne jeten politike, ekonomike dhe sociale ne kohe reale. Per ta afruar Korcen me te rinjte dhe te rinjte me Korcen.  Ne kete faqe do te gjeni informacione nga fusha te ndryshme,Galeri fotografike,forum, ku keni mundesi  jo vetem te jepni mendimin tuaj mbi evenimente te rendesishme dhe problemet e qytetit, por edhe te jeni ne kontakt me qytetare korcare neper bote. KorcaJone. Net u jep nje hapersire te vecante te rinjve, shkollave e gjimnazeve te qytetit.
KorcaJone.net
Festohet e kremtja e Theofanise ne Korce PDF Print E-mail
(13 votes)
Nga Vasjan Golka   
Sunday, 06 January 2008

 Kjo festë mblodhi si cdo vit, në Korce, në katedralen “Ringjallja e Krishtit” qindra besimtarë orthodhoksë korcare dhe qytetarë të tjerë të ardhur nga rrethet dhe zonat perreth.
Mes klerikëve dhe shumë besimtarëve ishte edhe Dhespoti Imzot Joani, i cili kryesoi Liturgjinë Hyjnore si edhe Shërbesën e Shenjtërimit të Ujit ose të quajtur ndryshe Ajazmës.
Pas bekimit të ujit, klerikët dhe besimtarët u drejtuan me procesion te njeri prej shatervaneve ku u krye edhe rituali i hedhjes së kryqit.

Nje i ri nga Korca kapi i pari kryqin , duke marrë edhe bekimin e veçantë për këtë fillimvit. 

Kisha këtë ditë kremtoi Shfaqjen e Perëndisë në botë si Trini (Ati, Biri e Shpirti i Shenjtë) në momentin e Pagëzimit të Jisu Krishtit: Ati me anë të dëshmisë së Tij së lartazi: "Ky është biri im i dashur, në të cilin jam i kënaqur", Biri i Perëndisë i bërë njeri që po pagëzohet dhe Shpirti i Shenjte, duke zbritur në formë pëllumbi.

Pagëzimi i Krishtit është bekim dhe shenjtëri, pasi shenjtërohen të gjithë ujërat. Gëzon natyra, që me anë të shenjtërimit të ujit të shenjtërohet dhe ajo, pasi Krishti nuk u pagëzua vetëm për njerëzit, por për të gjithë krijesën, që Ai vetë krijoi me Atin dhe Shpirtin e Shenjtë. Kjo ditë është shkak pikënisjeje për një jetë më afër Krishtit, për të qenë të mbushur me Shpirtin e Shenjtë.

Në këtë kremtim solemn që zhvillohet për këtë ngjarje hyjnore, historike dhe botërore, në kishat orthodhokse përveç Liturgjisë Hyjnore zhvillohet edhe Shërbesa e Shenjtërimit të Ujit, ku edhe besimtarët marrin prej këtij uji për bekim, shenjtërim, shërim sëmundjesh etj. Është bërë traditë që në vende ku ka lum, liqen ose det të bëhet edhe bekimi i ujërave të tyre, duke hedhur kryqin në to dhe të kapet nga besimtarë që hidhen në ujërat e ftohta të tyre.


Në fund të Ajazmës dhe gjatë gjithë ditës besimtarët orthodhoksë dhe joorthodhoksë morën me vete ujë të bekuar, si bekim dhe shpresëtari, duke pirë nga ky ujë, duke spërkatur me të shtëpitë, dyqanet, arat etj. Këtë ujë ata e mbajnë gjatë gjithë vitit në shtëpi për bekim dhe shërim. Në fund ata uruan njëri-tjetrin edhe për një vit të bekuar.

 
< Prev   Next >